有「小巨肺」之称的Celine谭芷昀近日因《全美一叮》（America‘s Got Talent）的比赛片段一鸣惊人，而亲手训练Celine的爸爸谭顺生博士亦成为焦点，因为有意见指他「父凭女贵」，借女儿催谷自己人气，更批评谭顺生视女儿为摇钱树。曾与谭顺生合作的娱乐圈前辈薛家燕直斥，「食碗面反碗底」，又指此人居心叵测，合作时要相当小心。
Celine父借《中国新歌声》招客 港区冠军不满：以为佢好心帮我
Celine爸爸谭顺生，因为Celine的关系，不时出席不同场合，与多位巨星合照。连候任特首林郑都有份。
家燕姐强调Celine是一个非常有天分而且很乖的女孩子。
家燕姐：食碗面反碗底
最近爆红的Celine妹妹原来曾是「家燕妈妈艺术中心」的学生，对于近日Celine妹妹声名大噪，家燕姐接受《香港01》电话访问时表示：「Celine佢真系一个好有天份好有潜质嘅一个小妹妹，但系讲起佢爸爸（谭顺生）就真系有点儿那个，真系食碗面反碗底。当年佢爸爸有同我讲，话想喺『家燕妈妈艺术中心』入面教小朋友唱歌，我见佢认识音乐又有热诚，我就请咗佢。但后来我觉得好奇怪，点解我啲学生唔喺学校上堂，而系逐个逐个上佢（谭顺生）教室同佢单对单上堂。后来啲学生家长走番转头同我讲，话去咗谭顺生度上堂，话谭顺生sell佢哋单独授课，收咗一万蚊学费，成个课程都未完成，就要佢哋交下期学费。」
讲到谭顺生「抢客」，家燕姐失望地表示:「我知道呢件事之后，我真系好失望，我哋都有我哋嘅行规，你喺人哋学校做导师，唔可以就咁抢咗人哋嘅学生，要同人哋讲声，我觉得咁做好无道义。」家燕姐又慨叹：「你要向上爬唔紧要，但系唔可以咁工心计。」
延伸阅读：
「当初Celine参加内地选秀节目都系由我搭路」
家燕姐又提到：「最初Celine报读戏剧班，因为佢爸爸好想个女加入TVB，而我见佢好有潜质，就介绍佢去TVB一个母亲节节目，咁就上咗镜喇。」
至于Celine能够参加内地节目《中国新声代》并且夺冠，原来全靠家燕姐帮忙，家燕姐忆述：「当初Celine参加内地选秀节目都系由我搭路，因为我觉得Celine系好有天份，但系佢当时唔合符参赛资格。因为嗰阵参赛者最小要年满10至11岁，但当时Celine只得5岁未能参赛；所以就用我喺湖南卫视嘅关系介绍佢去参赛，最后佢仲有好好嘅成绩。但系佢爸爸连一句多谢都冇讲，仲要喺自己嘅网站，话佢自己有管道可以帮小朋友报名（参赛），但要啲小朋友上佢堂。以呢样嘢做卖点，我觉得呢个人好有居心，同呢个人合作要好小心。」
就事件《香港01》记者尝试联络当事人谭顺生，但到截稿仍未有回应。
原文：HK01
