说说我的看法高级模式
-
本帖最后由 chris 于 2010-11-14 06:12 编辑
雖然我不會台語,但是每次聽 鳳飛飛唱這首(心肝寶貝)就會不自覺的感動落淚
心肝寶貝
歌手：鳳飛飛 作詞：李坤城/羅大佑 作曲：羅大佑 編曲：羅大佑
Goe̍h-niû kng-kng koà thiⁿ-téng Siông-ngô͘ tī hia toà
月娘光光掛天頂 嫦娥佇遐蹛
Lí sī gún ê chiáng-siōng bêng-chu phō-tio̍h kim-kim-khoàⁿ
你是阮的掌上明珠 抱著金金看
Khoàⁿ lí tō͘-chè khoàⁿ lí siu-noā khoàⁿ lí teho̍h kiâⁿ
看你度晬 看你收涎 看你塊學行
khoàⁿ lí ē cháu khoàⁿ lí chhut-sì siòng-phìⁿ chi̍t toā tui
看你會走 看你出世 相片一大疊
khin-khin thiaⁿ-tio̍h chhoán-khùi siaⁿ sim-koaⁿ pó-poè kiáⁿ
輕輕聽著喘氣聲 心肝寶貝囝
Lí sī gún ê hēng-hok hi-bāng chim-chiok kā lí chhiâⁿ
你是阮的幸福希望 斟酌共你晟
Bāng lí cheng-kong bāng lí châi-chêng bāng lí koáⁿ-kín toā
望你精光 望你才情 望你趕緊大
Bāng lí kó͘-chui kiān-khong hoa̍t-phoat m̄ kiaⁿsiū hong-koâⁿ
望你古錐 健康活潑 毋驚受風寒
chiáu-á hong-chhoe lóng-chóng ē poe tàu-té ūi-siáⁿ-mí
鳥仔風吹 攏總會飛 到底為什麼
Hî-á chûn-chiah lóng sī bô kha án-choáⁿ ē soá-ūi
魚仔船隻 攏是無跤 按怎會徙位
ji̍t-thâu chhut-lâi ji̍t-thâu lo̍h-soaⁿ ji̍t-thâu tùi tó khì
日頭出來 日頭落山 日頭對佗去
chhun-thiⁿ-á ê hoe ài chia̍h ê phang i sī tī tó-ūi
春天仔的花 愛食的蜂 伊是佇佗位
Chiáu-á ū si̍t hong-chhoe ū soàⁿ chiah ē thiⁿ-téng poe
鳥仔有翅 風吹有線 才會天頂飛
Hî-á ū boé chhin-chhiūⁿ kiâⁿ-chûn hi-bāng tio̍h ài chhoē
魚仔有尾 親像行船 希望著愛揣
Ji̍t-thâu chhut-lâi ji̍t-thâu lo̍h-soaⁿ ji̍t-chí lóng an-ne koè
日頭出來 日頭落山 日子攏按呢過
Hoe siā hoe khui thiⁿ àm thiⁿ kng kāng-khoán ê būn-tê
花謝花開 天暗天光 仝款的問題
